ازاى تقدر تقرب من ربنا و تكسب حسنات كتير

[size=24]العنوان واضح جدا
دى وسائل كتير تخليك تكسب حسنات
و تقرب من ربنا اكتر و اكتر
كلها معروفة
انا بس حبيت اجمعها

بس اهم حاجة يا جماعة
الصدق و الاخلاص فى التنفيذ

طبعا كل واحد فينا بيرتكب ذنوب و معاصى
لان كلنا بشر مفيش حد مننا ملاك
يبقى اول حاجة انك تقلل من سيئاتك
و ده اهم من انك تكتر من حسناتك
لان ( السيئات تأكل الحسنات كما تاكل النار الحطب )
كل واحد مننا يحاول يقعد مع نفسه
و يشوف ايه السيئات اللى بيعملها و يحاول يقلل منها بالتدريج
مش بقول يبطلها كلها مرة واحدة
لانه مش سوبر مان مثلا
انا بقول بالتدريج
علشان يكون الامر مستطاع

مهما كانت الظروف و الاسباب حاول ان تقوم للصلاة فى وقتها
و يا حبذا لو كانت فى جماعة

بالنسبة للاولاد
فالصلاة فى الجامع مهمة جدا
و ياريت تكون فى الصف الاول او التانى
حاول على قد ما تقدر تلتزم بالصلاة فى الجامع

قال الرسول صلى الله عليه و سلم ( من لم يتبع سنتى لا تحق له شفاعتى )
كلنا عارفين ان فى سنن فى الصلاة ( صلاة السنة )
نحاول نواظب عليها على قد ما نقدر
السنن المؤكدة هى 12 ركعة

كمان فى ركعتين الضحى و الشفع و الوتر

ده اجره عظيم جدا عند ربنا
كتير مننا بيسهر يتفرج على التليفزيون او على النت
بس محدش من الناس دى بيفكر يصلى قيام الليل
مع انه كده كده سهران

حاول تصحى قبل صلاة الفجر بساعة
او حتى بنص ساعة
و صلى قيام الليل و ادعى ربنا و استغفره
انت كده كده هتصلى الفجر
مش هتضرك نص ساعة بدرى تقومها
و جزائها عند ربنا كبير

حاول تطلع كل يوم صدقة
حتى لو ربع جنيه مش مهم
المهم انك تواظب عليها و تحافظ عليها

ورد كل يوم حزب واحد تقرأه بتمعن
مش لازم تقرأه فى قاعدة واحدة
خليها صفحتين بعد كل صلاة
ده الحزب كله 8 صفح مش اكتر

احفظ كل يوم آية واحدة او آيتين
فى اقل من كده ؟
بس حاول الايات اللى تحفظها تقرأ تفسيرها كمان

و اكيد معظمنا حافظ اجزاء من القرآن
كل يوم راجع على سورة من السور اللى انت حافظها
علشان متتنسيش

اذكر ربنا دايما
و انت قاعد و انت واقف
فى وقت الفراغ
خلى ربنا دايما على بالك و اذكره

مش هتاخد منك وقت
دى بسيطة و قليلة
و فوايدها كتير

و ده للولاد و البنات كمان
مش للولاد بس

قبل ما تعمل اى حاجة اقف و حط نية للعمل ده بينك و بين نفسك
علشان تاخد حسنات على العمل ده

( ان النفس لأمارة بالسوء )
حاول تجاهد نفسك و تبعدها عن الذنوب و المعاصى
)قال الرسول صلى الله عليه و سلم ( اشد الجهاد جهاد النفس )

» تقدر ولا مو تقدر
» ربنا بيحبك ولا بيكرهك ..؟
» اغنيه ربنا يوفقك
» لسه كتير ولا ايه؟؟؟؟؟؟
» سليمان لجماهير مصر: حالتي ما يعلم بيها إلا ربنا.. وسيبوني أركز!