منتديات جيل التحدى
السلام عليكم
اداره المنتدى ترحب بكم للتسجيل
منتديات جيل التحدى
السلام عليكم
اداره المنتدى ترحب بكم للتسجيل
منتديات جيل التحدى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات جيل التحدى

لا اله الا الله سيدنا محمد رسول الله
 
الرئيسيةالبوابةأحدث الصورالتسجيلدخول

 

 محرومة من متع كتير ؟؟ مين ضحك عليكى وقالك كدا ؟؟

اذهب الى الأسفل 
كاتب الموضوعرسالة
Nona el top
صاحبة الموقع
صاحبة الموقع
Nona el top


محرومة من متع كتير ؟؟ مين ضحك عليكى وقالك كدا ؟؟ Jb12915568671
عدد المساهمات : 1909
السٌّمعَة : 20
تاريخ التسجيل : 24/07/2010
العمر : 30
الموقع : Tanta

محرومة من متع كتير ؟؟ مين ضحك عليكى وقالك كدا ؟؟ Empty
مُساهمةموضوع: محرومة من متع كتير ؟؟ مين ضحك عليكى وقالك كدا ؟؟   محرومة من متع كتير ؟؟ مين ضحك عليكى وقالك كدا ؟؟ Emptyالخميس فبراير 02, 2012 2:41 am

ساعات الواحدة كده تقعد مع نفسها.. وتحس إنها إتحرمت من متع كتيييييييييير
الدنيا حوليها مغرية وفي غيرها عايش حياته ومستمتع لأقصى درجة
وهي قاهرة نفسها ومنعا نفسها من حلاوة الدنيا

مش بتجيلكم ساعات زي دي كده؟

الواحدة مننا لما تقرب من ربنا، وتسعى إنها تكون بنت ملتزمة.. بتحرم نفسها من حاجات كتير علشان ترضي ربنا
علشان الحاجات دي حرام وربنا نهاها عنها
بس ساعات بصراحة بنضعف

بتشوفي صحبتك دي وهي لابساه اللبس اللي بتحبيه
الإستايل بتاعها اللي كان إستايلك في يوم من الأيام
بتشوفيها وهي لابسة الجينز مع البلوفر البينك والشنطة البينك.. وتتحسري
بيجيلك لحظة وبتتحسري
وتحسي إنك إتحرمتي من حاجة بتحبيها

بتشوفي أخوكي وهو عايش حياته مع خطيبته
خروج وفُسح وضحك
وهدايا في عيد الحب
يخرج معاها ومع شلة أصحابه ولاد وبنات ويهيصوا
مش بتحسي ساعات إنك إتحرمتي من المتعة دي
رغم إنك عارفة إنه كله حرام في حرام

تقعدي مع واحدة صحبتك كنتوا سوا في الشغل
بس إنتي سبتيه علشان الإختلاط فيه كان بزيادة
بس بتتحسري لما تحسي إن في يوم كان دي متعتك
حياة البساطة
كلنا زمايل ولاد وبنات من سن واحد
بنخرج سوا بعد الشغل وبناكل سوا في الشغل
بنهزر ونضحك ونحكي لبعضنا على كل حاجة
وتقولي في سرك يا خساااارة

بجد مش بيمر عليكي الإحساس ده؟!
الإحساس بالحرمان من محرمات الدنيا

طيب عايزاكي تعرفي إنك لما يجيلك الإحساس ده
تعرفي كويس إنه من إتنين
نفسك الأمارة بالسوء اللي عايزه تجرك للسوء
ومن الشيطان اللي عايزك ترجعيله
مفيش تالت

إفرحي أختي
إنتي على الحق
المتعة الحرام حلوة أه
بس مش دايمة

بس إلتزامك هو الدائم
متعتك لما تقرأي القرآن وتحفظي أياته.. مفيش بعدها حلاوة
صلاتك وإنتي حسه إن ربنا راضي عنك.. ملهاش بديل

في احلى من إنك تكوني من أهل الجنة
بالله في احلى من سيدنا محمد وحب سيدنا محمد
لأ مفيش

حب الله
حب الرسول
حب الجنة
هو ده اللي تتحسري عليه لو مش عايشاه
مش حب الدنيا
هي دي الخسارة بجد إنك تحبي الدنيا أكتر من حبك لربنا

إستعيذي بالله من الشيطان.. مش هينفعك ولا هينفعني
الرجوع الى أعلى الصفحة اذهب الى الأسفل
https://gael-al-tahadi.alafdal.net
 
محرومة من متع كتير ؟؟ مين ضحك عليكى وقالك كدا ؟؟
الرجوع الى أعلى الصفحة 
صفحة 1 من اصل 1
 مواضيع مماثلة
-
» لسه كتير ولا ايه؟؟؟؟؟؟
» ازاى تقدر تقرب من ربنا و تكسب حسنات كتير

صلاحيات هذا المنتدى:لاتستطيع الرد على المواضيع في هذا المنتدى
منتديات جيل التحدى :: جيل مصطفى حسنى :: بنات النبى-
انتقل الى: